KO TE PĀREKEREKE O RANGIĀTEA NGĀ TOA WHAKAIHUWAKA O TE WHAKATAETAE KAPA HAKA Ā-ROHE O TARANAKI 2026.
Kua whakahoki mai Te Pārekereke o Rangiātea i ngā taonga toa whakaihuwaka mai i te whakataetae kapa haka o Te Huihuinga o Ngā Tatarakihi 2026 ki te piringa whare o Te Pārekereke-o-te-tangata.
I whakaatu te manukura kōhine, a Waikawa Ruakere, i tōna hīkaka mō tēnei hokinga mai me te maha o ngā taonga.
“He tino hikaka ki te haere mai, kāore āno mātou kua tiki tēnei maha o ngā taonga, ae tino hikaka.”
I kawea atu e te kapa te take o te maina papa moana (seabed mining) ki runga i te atamira kia rongo mārika ai te kāwanatanga i te reo o ngā tamariki.
E ai ki a Ruakere, “Te Seabed Mining, he tino rawe ki a tēnā waiata ki runga i te atamira, ki a whakaatū ki te kawanatanga ki a kāti i te mahi i tērā.”
Ki ta te kaiako haka, ki a Bonnie Maxwell, he tohu tēnei i te puku mahi me te manawanui o ngā tamariki.
“Kua waimarie tātou ki a whakahokia mai ngā taonga ki roto i te whare o Te Pārekereke-o-te-tangata, kua tino roa te wā, ēngari e tino whakaatū ana i te puku mahi o ngā tamariki.”
E whakarite ana hoki te kapa ki te whakakanohi i te rohe o Taranaki ki Te Mana Kuratahi ki te taha o Ngāruahinerangi.
“He hōnore nui ki a whakakanohi i te rohe o Taranaki ki ngā whakataetae o Te Mana Kuratahi ki te taha o Ngaruahine, he wheako hou mō ētahi o ngā tauira.” e ai ki a Maxwell.
I whakarāpopotohia e Maxwell āna wawata mō te kapa me te oranga o ngā tauira i roto i te ao haka “Ko ōku wawata ki a angitu ngā tamariki i roto i te ao haka, ehara i te mea ki a wikitoria, ēngari ki a ngakau nui ki ngā mahi o te kapa haka te tū o Taranaki hoki.”
Comments