KURA KAUPAPA MĀORI BRING PUANGA EXPERIENCE AND ACTIVITES TO WAITARA COMMUNITY.
- Phoenix Manley-Green
- 3 days ago
- 2 min read
He wā whakahirahira te tau hou Māori, e whakanui ana i a Puanga me Matariki.
I tēnei tau, i whai wāhi Te Kura Kaupapa Māori o Te Pihipihinga Kakano mai i Rangiātea ki te mahi tahi me te Whare Pukapuka o Pukeariki.
E ai ki a Niki Walker-Chapman, tētahi o ngā kaiako wharekura i whakatū ngā tauira i te ringa hapai mō tēnei kaupapa.
"I tōna mai te whare pukapuka o Pukeariki, ki a kuhu ki tō rātou hōtaka mō Puanga, Matariki hei whakanui te tau hou Māori, e whakahaerehia ana ētahi papa mahi rerekē i ngā hararei, nā reira whakaturia te ringa o te wharekura ki a kuhu atu a mātau tauira ki ēnei momo kaupapa o te hāpori" e ai ki a Walker-Chapman.
He kaupapa tēnei hei whakaako i ngā ritenga me ngā taonga o ō tātou mātua tupuna te tirohanga a te tauira a Waiaio Chapman, "Ko te pūtake o tēnei kaupapa, ki a whakawhānui i te mōhioranga a te hāpori ki ēnei ritenga, ki ēnei taonga tuku iho a ngā mātua tupuna, koia te tino pūtake o tēnei kaupapa".
E kōrero ana hoki ngā tikanga pēnei i te hautuku mō te oranga o te whānau. E ai ki a Chapman, "Ko ētahi o ngā hua o te hautuku, he tuku i ngā mate ki te whata na maru, e hāneanea ai te whanau".
He waimarie hoki te whai wāhi atu ki ngā tohunga o te motu. I kī a Walker-Chapman "He waimarie nō mātou te whai wāhi atu ki a Papa Che Wilson me tana kaupapa o Puanganui o te rangi, mātou ngā kura kaupapa o Taranaki whānui, o Te Kāhui Maunga whānui".
Hei mutunga, ko te tino whāinga he whakakaha i ngā kōrero i roto i te ngākau o ngā tamariki, i roto hoki i te hāpori whānui o Taranaki.
"Ki a tangata whenuatia āno tia ngā kōrero ki roto i a rātou, kia māia tō rātou tū ki te hora i ngā kōrero, he timatanga noa iho tēnei mā rātou me tū a tātou taiohi kura kaupapa Māori ki ēnei momo kaupapa me whai wahi atu rātou ki ēnei momo kaupapa" e ai ki a Walker-Chapman.
Comments