Kua ngū te reo o te kōkā: He poroporoaki ki a Papa Rauru
Kua hinga te tōtara haemata o te ao pāho, a Papa Rauru. He ngākau pouri kei te motu i tōna matenga, inā hoki te nui o tōna whakapau kaha ki te ao reo irirangi, tae atu ki a Te Korimako o Taranaki me Awa FM.
Ko Tipene O’Brien nō Te Korimako o Taranaki e kōrero ana mō te pukenga o te tangata:
“Kāre he tangata tua atu i a Rauru i roto i te ao reo irirangi nei, koia tērā e kaha ana a ia ki te hāngai i te pikitia, ā kupu, ā kōrero ki te hunga e whakarongo ana ki a ia.”
I kī hoki ia mō te āhua o te wāhanga nei:
“E mokemoke ana mātau nei, ko Awa FM, ko Te Korimako e noho ana i te kōangiangi.”
Kei te tangihia e te whānau o Awa FM, tae atu ki a Racquel McKenzie, i a ia e whakaaro ana ki te hōtaka a Papa Rauru:
“Kua ngū te reo o Te Awa Kōrihi, tōna hōtaka tēnā, Mane ki te Paraire, tekau i te ata tae noa ki te poupoutanga o te rā.”
He taumaha te ngākau o Racquel i te rongo i te karere:
“E auē ana, e tangi hotuhotu ana mō tēnei tono ōna te wā i rongo au i te karere, tēnei tono ka nui taku aroha ki a ia, koinei ōna.”
Ka maumahara a Eruera Rerekura ki tōna hoa, ki tōna tuakana hoki, me te pātai:
“Me pēhea āku kupu mō taku tuakana, me taku hoa mauroa, taku tuakana a Rauru Broughton?”
Hei whakamutunga mō tana kōrero poroporoaki:
“E te tuakana e Rauru, haere ki te kāinga tūturu o rātau mā kua whetūrangitia, haere, haere e oki.”
Kua ngū te reo, engari ka mau tonu te mauri o āna mahi ki te ao pāho. Haere, e koro.
Comments