He rā whakanui mō Ngāti Mutunga: Te reo o te Pā

Kei te whakanui a Ngāti Mutunga i tēnei rā i te hokinga o te mauri ki te Pā o Urenui. He rā hirahira tēnei, i te mea kua oti ngā mahi whakahou i ngā whare o te marae, ā, kua hoki mai ngā whānau ki tō rātou kāinga tūturu hei whakamana i ngā moemoeā o ngā tūpuna.

https://video.wixstatic.com/video/d32b94_8c52d5b36b7b401d9874aeb08e192ec1/1080p/mp4/file.mp4

Pūrongo nā Te Aroha Broughton-Pue, Multimedia Reporter, Taiuru News.

E ai ki te Heamana o Ngāti Mutunga, ki a Jamie Tuuta, “ko te whakatuwhera anō i tō mātou whare a Te Aroha he whare tū mua, he whare tū maru, whare kōrero, wānanga mō te iwi o Ngāti Mutunga, kua koakoa, kua tutuki tēnā āhuatanga i tēnei ata”.

“Ka hoki aku mahara ki te aroha tuatahi me te whakaaro anō hoki ki ō tātau mātua i tērā wā, nā rātau i kohi moni ko ngā kanikani ko ngā purei kāri ki te whakatū i te whare tuatahi. Te turakitanga o tera whare, kua huakina te whare hou a Te Aroha me ona korero hei whare whakaruruhau hei whare kōrero mō ngā uri haere ake nei,” hei tā Jamie anō.

“E rua ngā whakamāramatanga nē, heoi anō etahi ka ki ko te aroha o māui pomare ki tana ki a Ngati mutunga ki ētahi ko te aroha tonu ko tena taonga taonga te aroha e tuitui nei e tuhono nei i a tatau te tangata kia ki a tatu ano heio ki te whenua ki te rangi ki te ahuatanga o te taiao,” hei tāna anō.

Ko te tūmanako nui mō ngā uri whakatupu e ai anō ki a Jamie, “kia rongo ratau i te mauri ora i te wairua ora o tēnei whare ona korero, ona tohutohu ki a rātau kia tu rangatira rātau i te ao nei. Kia uru atu ngā uri ki roto i te whare te putanga mai, kia puta mai rātau ki te whaiao ki te ao marama”.